Mbi 14.6 milionë tentativa për sulme kibernetike janë regjistruar ndaj infrastrukturave të informacionit në Shqipëri gjatë gjysmës së parë të vitit 2026. Të dhënat e publikuara nga Autoriteti Kombëtar për Sigurinë Kibernetike (AKSK) tregojnë se në periudhën janar–qershor janë evidentuar gjithsej 14,628,595 tentativa, ose mesatarisht rreth 56.4 çdo minutë. Sipas AKSK-së, 54% e tentativave kanë pasur në shënjestër infrastrukturat e rëndësishme të informacionit, ndërsa 46% janë drejtuar ndaj infrastrukturave kritike të informacionit. Sulmet kanë prekur sektorë të ndryshëm, përfshirë sistemin financiar, administratën publike, infrastrukturën digjitale, sektorin energjetik dhe fusha të tjera me rëndësi për funksionimin e vendit. Autoriteti Kombëtar për Sigurinë Kibernetike thekson se monitorimi i kërcënimeve vijon në mënyrë të pandërprerë, ndërsa po forcohen edhe masat mbrojtëse për të rritur sigurinë dhe qëndrueshmërinë e sistemeve të informacionit në Shqipëri.

Burimi: Top Channel